Euskaraldiko hamaikakoa aurkeztu berri du Fagor Taldeak. Kooperatiba bakoitzeko bazkide batek, eta Kontseilu Orokorreko, Zuzendaritza Batzordeko eta Kontseilu Sozialeko ordezkari banak osatzen dute. Bi rolak daude horien artean (Ahobizi eta Belarriprest).
Askotariko kideek osatzen dute Taldeko hamaikakoa:
- Joxean Alustiza Usandizaga. Fagor Taldeko Kontseilu Orokorreko lehendakaria.
- Oihana Arietaleanizbeaskoa Marrodan. Fagor Taldeko Kontseilu Sozialeko lehendakaria.
- Unai Lopez Moñux. Fagor Taldeko Zuzendaritza Batzordeko ordezkaria.
- Edu Abarrategi Aranburuzabala. Gestio sozialeko teknikaria Fagor Ederlanen.
- Maite Albes Garitano. Arduradun mekanikoa Mondragon Assemblyn.
- Karmen Gomez Valenzuela. Bezeroen arreta teknikaria Fagor Electronican.
- Itziar Lopez de Bergara Lasa. Jabetza Industrial eta Intelektualeko abokatua Galbaianen.
- Ana de Palacio Alvarez. Fabrikazioko teknikaria Fagor Automationen.
- June Ugarte Guridi. Diseinu ingeniaria Onnera Groupen.
- Marianna Yanveldt. Siderurgiako teknikari komertziala Fagor Arrasaten.
- Carmelo Zelaia Fernandez de Cacho. Garapen teknikaria Coprecin.
Kooperatiba guztien laguntza
Euskaraldiko edizio berria maiatzaren 15etik 25era ospatuko da. Beste urte batez, Fagorreko zortzi kooperatibak eta Bulego Orokorrak batu dira ekinbidera. Zehatz esanda, oinarrizko egitekoetatik -kideak Euskaraldiaren inguruan informatzea, prestatzea eta ariketa ikusgarri egitea- haragoko lanketa sakonerako konpromisoa hartu dute horiek guztiek, euskararen erabilera indartzeko helburuz. Euskaraldian parte hartu nahi dutenek haien kooperatiben bidez eman dezakete izena.
